Messages

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 258
Most Online Ever: 258
(Today at 03:57:34 PM) Users Online
Members: 0
Guests: 26
Total: 26

Hazrat Muhammad Sallalah Ho Alaihe Wa Sallam ne farmaya! Jo shaks Allah aur Akhrat ke din per Imaan rakhta ho, us per lazim ha ke apny parosi ko takleef na de, jo shaks Allah aur Akhrat ke din per Imaan rakhta ho, us per lazim ha ke apny mehman ki izzat kry aur jo shaks Allah aur Akhrat ke din per Imaan rakhta ho, us per lazim ha ke bhali baat khy wrna chup rhy. [6136: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jo shaks Allah aur Akhrat ke din per Imaan rakhta ho usy apny mehman ki izzat kerna chahye. Uski khatir-dari bas aik (1) din aur raat ki ha aur mehmani teen (3) din aur ratun ki. Iske baad jo ho wo Sadqa ha aur mehman ke lye jaiz nhi ke wo apny maizban ke pas itny din thehr jye ke usy tang kr daly. [6135: Jild 7; Sahee Bukhari Shareef] [Ravi: Hazrat Abu Shareeh Ka'bi]

Hazrat Muhammad Sallalah Ho Alaihe Wa Sallam ne farmaya! Momin ko aik (1) sorakh se dobara dang nhi lag skta. [6133: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Allah ke nazdeek aik (1) martba ke aitbar se wo shaks sab se bura ha jisy log uski bad khulqi ki waja se chor dein. [6131: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ko do (2) cheezun mein se aik (1) ko ikhtiar kerny ka ikhtiar diya gya to Aap Sallalah Ho Alaihe Wa Sallam ne hamesha in mein se asan cheezun ko ikhtiar farmaya, bashartiya ke is mein gunah ka koi pehlu na hota. Agr is mein gunah ka koi pehlu hota to Aap Sallalah Ho Alaihe Wa Sallam is se sab se zyada door rehty aur Aap Sallalah Ho Alaihe Wa Sallam ne Apni Zaat ke lye kisi se badla nhi liya, albata agr koi shaks Allah ki Hurmat-o-Had ko torta to Aap Sallalah Ho Alaihe Wa Sallam inse to mehaz Allah ki Raza ke lye badla lety. [6126: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Agly peghambrun ka kalam jo logun ko mila usmein ye bhi ha ke jab sharam hi na rhi to phir jo jee chahy wo kro. [6120: Jild 7; Sahee Bukhari Shareef] [Ravi: Hazrat Abu Masood Ansari]

Hazrat Muhammad Sallalah Ho Alaihe Wa Sallam ka guzar aik shaks per se hua jo apny bhai per haya ki waja se naraz ho rha tha aur keh rha tha ke tum bohat sharmaty ho, goya wo keh rha tha ke tum is ki waja se apna nuqsan ker lety ho. Aap Sallalah Ho Alaihe Wa Sallam ne inse farmaya ke isy chor do ke haya Imaan mein se ha. [6118: Jild 7; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Haya se hamesha bhalai paida hoti ha. [6117: Jild 7; Sahee Bukhari Shareef] [Ravi: Hazrat Abu Aswaar Adwi]

Hazrat Muhammad Sallalah Ho Alaihe Wa Sallam ne farmaya! Pehalwan won ni ha jo kushti larny mein ghalib ho jye balke asli pehalwan to wo ha jo gusa ki halat mein apny aap per qabu paye, be-qabu na ho jye. [6114: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ki khidmat mein aik shaks hazir hua aur arz kya mein subha ki Nimaz Jama't se falan falan Imam ki waja se nhi parhta kyunke wo bohat lambi Nimaz parhaty hein. Unhun ne kaha ke us din un Imam sahib ko nasihat kerny mein Aap Sallalah Ho Alaihe Wa Sallam ko mein ne jitna gusa mein daikha aisa mein ne Aap Sallalah Ho Alaihe Wa Sallam ko kbhi nhi daikha tha, phir Aap Sallalah Ho Alaihe Wa Sallam ne farmaya Aye logo! Tum mein se kuch log (Nimaz bajamat parhny se) logun ko door kerny waly hein, pas jo shaks bhi logun ko Nimaz parhaye mukhtasir parhaye, kyunke Nimaziun mein koi bemar hota ha koi burha koi kaam kaaj wala. [6110: Jild 7; Sahee Bukhari Shareef] [Ravi: Hazrat Abu Masood]

Hazrat Muhammad Sallalah Ho Alaihe Wa Sallam andar tashreef laye aur ghar mein parda latka hua tha jis per tasweerain thein. Aap Sallalah Ho Alaihe Wa Sallam ke Chehry Mubarak ka rang badal gya, phir Aap Sallalah Ho Alaihe Wa Sallam ne parda pakra aur usy phaar dya. Aap Sallalah Ho Alaihe Wa Sallam ne farmaya, Qiyamat ke din un logun per sab se zyada azab hoga, jo ye sortain banaty hein. [6109: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Yaqinan Allah tumhein mana Kerta ha ke tum apny baap dadaun ki qasam khao, pas agr kisi ko qasam hi khani ha to wo Allah ki qasam khay, wrna chup rhy. [6108: Jild 7; Sahee Bukhari Shareef] [Ravi: Hazrat lais bin saad]

Hazrat Muhammad Sallalah Ho Alaihe Wa Sallam ne farmaya! Jis ne Islaam ke siwa kisi aur mazhab ki jhoot moot qasam khai to wo wesa hi ho jata ha, jis ki us ne qasam khai ha aur jis ne kisi cheez se khudkushi ker li to usy jahanum mein usi se azab diya jyega aur Momin per la'nat bhejna usy qatal kerny ke baraber ha aur jis ne kisi Momin per kufar ki tohmat lgai to ye uske qatal ke baraber ha. [6105: Jild 7; Sahee Bukhari Shareef] [Ravi: Hazrat Sabit bin Zahaak]

Hazrat Muhammad Sallalah Ho Alaihe Wa Sallam ne farmaya! Jab koi shaks apny kisi bhai ko kehta ha ke Aye kafir! To un dono (2) mein se aik (1) kafir hogya. [6103: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam kanwari larkiun se bhi zyada sharmeely thy, jab Aap Sallalah Ho Alaihe Wa Sallam koi aisi cheez daikhty jo Aap Sallalah Ho Alaihe Wa Sallam ko nagawar hoti to ham Aap Sallalah Ho Alaihe Wa Sallam ke Chehry Mubarak se samjh jaty thy. [6102: Jild 7; Sahee Bukhari Shareef] [Ravi: Hazrat Abu Saeed Khadri]