Messages

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 210
Most Online Ever: 258
(December 26, 2024, 03:57:34 PM) Users Online
Members: 0
Guests: 205
Total: 205

Hazrat Muhammad Sallalah Ho Alaihe Wa Sallam ne farmaya! Allah jis ke sath khair ka irada kerta ha usy deen ki samjh ata farma deta ha aur Mein (Sallalah Ho Alaihe Wa Sallam) to sirf taqseem kerny wala hun aur deta Allah ha aur is Ummat ka mamla hamesha darust rhyga, yahan tak ke Qiyamat qaim ho jaygi ya (Aap Sallalah Ho Alaihe Wa Sallam ne yun farmaya ke) yahan tak ke Allah ka hukam aa pohanchy. [7312: Jild 8; Sahee Bukhari Shareef] [Ravi: Hazrat Muawiha bin Abi Sufyan]

Hazrat Muhammad Sallalah Ho Alaihe Wa Sallam ne farmaya! Meri Ummat ka aik (1) garoh hamesha ghalib rhyga (ismein ilmi-o-deeni ghalba bhi dakhil ha) yahan tak ke Qiyamat aa jaygi aur wo ghalib hi rhyngy. [7311: Jild 8; Sahee Bukhari Shareef] [Ravi: Hazrat Mughaira bin Sha'ba]

Hazrat Muhammad Sallalah Ho Alaihe Wa Sallam ne farmaya! Insan baraber sawal kerta rhyga, yahan tak ke sawal kryga ke ye to Allah ha, her cheez ka paida kerny wala lakin Allah ko kis ne paida kya. [7296: Jild 8; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Sab se bara mujrim wo musalman ha jisne kisi aisi cheez ke motaliq poocha jo haram nhi thi aur uske sawal ki waja se wo haram kerdi gai. [7289: Jild 8; Sahee Bukhari Shareef] [Ravi: Hazrat Amir bin Saeed bin Abi Waqas]

Hazrat Muhammad Sallalah Ho Alaihe Wa Sallam ne farmaya! Sari Ummat Jannat mein jaygi siway unke jinhun ne inkar kiya. Sahaba ne arz kiya, Ya Rasool Allah! Inkar kon kryga? Aap Sallalah Ho Alaihe Wa Sallam ne farmaya! Jo Meri ata'at kryga wo Jannat mein dakhil hoga aur jo Meri na-farmani kryga usne inkar kya. [7280: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Yaqinan Mein (Sallalah Ho Alaihe Wa Sallam) tumhary darmyan Kitab-Allah se faisla karunga. [7278: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Sab se achi baat kitaab Allah ha aur sab se acha tariqa Muhammad Sallalah Ho Alaihe Wa Sallam ka tariqa ha aur sab se buri nai baat (bid'at) paida kerna ha (Deen mein) aur bila-shuba jis ka tumse wada kiya jata ha wo aa ker rhygi aur tum Parwardigar (Allah) se bach ker kahein nhi ja skty. [7277: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Imanat-dari asman se baaz logun ke dilun ki jarun mein utri (yani unki fitrat mein dakhil ha) aur Qur'an Majeed nazil hua to unhun ne Qur'an Majeed ka matlab samjha aur sunnat ka ilm hasil kiya to Qur'an-o-Hadith dono se is iman-dari ko jo fitarti thi puri quwat mil gai. [7276: Jild 8; Sahee Bukhari Shareef] [Ravi: Hazrat Huzaifa bin Yaman]

Hazrat Muhammad Sallalah Ho Alaihe Wa Sallam aik baagh mein dakhil huy aur mujhy (Abu Musa) darwaza ki nigrani ka hukam diya, phir aik Sahabi aye aur ijazat chahi, Aap Sallalah Ho Alaihe Wa Sallam ne farmaya! Inhein ijazat de do aur inhein Jannat ki bisharat de do. Wo Hazrat Abu Bakar thy. Phir Hazrat Umer aye, Aap Sallalah Ho Alaihe Wa Sallam ne farmaya! Inhein bhi ijazat de do aur Jannat ki bisharat de do. Phir Hazrat Usman aye, Aap Sallalah Ho Alaihe Wa Sallam ne farmaya! Inhein bhi ijazat de do aur Jannat ki bisharat de do. [7262: Jild 8; Sahee Bukhari Shareef] [Ravi: Hazrat Abu Musa]

Hazrat Muhammad Sallalah Ho Alaihe Wa Sallam ne farmaya! Dushman se mud-bheer (larai) hony ki tamana na kro aur Allah se aafiyat ki Dua manga kro. [7237: Jild 8; Sahee Bukhari Shareef] [Ravi: Hazrat Abdullah bin Abi Ufa]

Hazrat Muhammad Sallalah Ho Alaihe Wa Sallam ne farmaya! Koi shaks tum mein se moa't ki arzu na kery, agr wo naik ha to mumkin ha naiki mein aur zyada ho aur agr bura ha to mumkin ha is se toba ker le. [7235: Jild 8; Sahee Bukhari Shareef] [Ravi: Hazrat Abdul Rehman]

Hazrat Muhammad Sallalah Ho Alaihe Wa Sallam ne hamein moa't ki Dua kerny se mana na kiya hota to mein iski Dua kerta. [7234: Jild 8; Sahee Bukhari Shareef] [Ravi: Hazrat Khubab bin Art]

Hazrat Muhammad Sallalah Ho Alaihe Wa Sallam se ye na suna hota ke moa't ki tamanna na karo to mein moa't ki arzu kerta. [7233: Jild 8; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Rashk sirf do (2) shaksun per ho skta ha aik (1) wo jisy Allah ne Qur'an diya ha aur wo usy din raat parhta rehta ha aur is per (sunny wala) kahy ke agr mujhy bhi iska aisa hi ilm hota jaisa ke is shaks ko diya gya ha to mein bhi isi tarhan kerta jaisa ke ye kerta ha aur dosra (2) wo shaks jisy Allah ne maal diya aur wo usy Allah ke rasty mein kharch kerta ha to (daikhny wala) khy ke agr mujhy bhi itna dya jata jaisa isy diya gya ha to mein bhi isi tarhan kerta jaisa ke ye ker rha ha. [7232: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Agr Mery pas Ohad pahar ke baraber sona hota to Mein pasand kerta ke agr inke leny waly mil jyen to teen (3) din guzarny se pehly hi Mery pas is mein se aik (1) dinar bhi na bachy, siwa iske jisy Mein apny upper qarz ki adaigi ke lye rok lu. [7228: Jild 8; Sahee Bukhari Shareef] [Ravi: Hazrat Abu Hurairah]