Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 149
Most Online Ever: 218
(November 12, 2012, 06:28:40 PM) Users Online
Members: 0
Guests: 75
Total: 75

Hazrat Muhammad Sallalah Ho Alaihe Wa Sallam ne farmaya! Jis shaks ne subha ke waqat saat (7) Ajwah khajurain kha lein usy us din na zehar nuqsan pohancha skta ha aur na jaadu. [5769: Jild 7; Sahee Bukhari Shareef] [Ravi: Hazrat Saad bin Abi Waqas]

Hazrat Ayesha ne farmaya! Hazrat Muhammad Sallalah Ho Alaihe Wa Sallam per jaadu ker dya gya tha aur is ka Aap per ye asar hua tha ke Aap ko khayal hota ke Aap ne Azwaj-e-Motharaat mein se kisi ke sath ham-bistri ki ha halanke Aap ne ki nhi hoti. Sufyan Sori ne byan kiya ke jaadu ki ye sab se sakht qisam ha jab is ka ye asar ho, phir Aap ne farmaya Ayesha! Tumhien maloom he Allah se jo baat Mein ne poochi thi us ka jawab Allah ne kab ka de dya ha. Mery pas do Farishty aye aik Mery Sar ke pas khara hogya aur dosra Mery Paun ke pas. Jo Farishta Mery Sar ke pas khara tha usne dosry se kaha in Sahab (Hazrat Muhammad Sallalah Ho Alaihe Wa Sallam) ka kya haal ha? Dosry ne jawab diya ke In per jaadu ker dya gya ha. Poocha kis ne In per Jaadu kya ha? Jawab diya ke Labeed bin Aa'sam ne, ye yahudiun ke haleef Bin Zareeq ka aik shaks tha aur munafiq tha. Sawal kiya ke kis cheez mein in per jaadu kya ha? Jawab diya ke kanghy aur baal mein. Poocha jaadu ha kahan? Jawab diya ke nar khajoor ke khoshy mein jo zarwan ke kunhein ke andar rakhy huy pathar ke neechy dafan ha. Bayan kiya ke phir Aap is kunhein per tashreef le gye aur jaadu andar se nikala. Aap ne farmaya ke yhi wo kunhan ha jo Mujy khawab mein dikhaya gya tha is ka pani mehndi ke arq jaisa rangeen tha aur uske khajoor ke darakhtun ke sar shetanun ke sirun jaisy thy. Bayan kiya ke phir wo jaadu kunhein mein se nikala gya. Hazrat Ayesha ne byan kya ke mein ne kaha ke Aap ne is jaadu ka tor kyun ni karwaya. Aap ne farmaya Allah ne Mujhy Shifa di ab mein logun mein aik shor hona pasand nhi krta. [5765: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Tabah ker deny wali cheez Allah ke sath shirk kerna ha is se bacho aur jaadu kerny karany se bhi bacho. [5764: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Kutty ki qeemat, zina ki ujrat aur kahin (najoomi) ki khanat ki wajah se milny waly Hadya se mana farmaya ha. [5761: Jild 7; Sahee Bukhari Shareef] [Ravi: Hazrat Abu Masood]

Hazrat Muhammad Sallalah Ho Alaihe Wa Sallam ne farmaya! Bad shagoni ki koi asal nhi aur is mein behtar faal naik ha. Sahaba ne arz kiya naik faal kya ha? Aap Sallalah Ho Alaihe Wa Sallam ne farmaya! Kalma Saleh (naik baat) jo tum me se koi suny. [5755: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Beshak acha khwab Allah ki taraf se hota ha, aur hilm (bura khwab jis mein ghabrahat ho) shaitan ki taraf se hota ha, is lye jab tum mein se ki shaks koi aisa khwab daikhy jo bura ho to jaagty hi teen (3) martaba bayen (left) taraf thu thu kery aur is khwab ki burai se Allah ki panah mangy, is tarhan khwab ka isy nuqsan nhi hoga. [5747: Jild 7; Sahee Bukhari Shareef] [Ravi: Hazrat Abu Qatada]

Hazrat Muhammad Sallalah Ho Alaihe Wa Sallam Apny Ghar ke baaz (bemarun) per ye Dua parh ker Dam kerty aur Apna Dahna Haath phairty aur ye Dua parhty. "Aye Allah! Logun ke palny waly! Takleef ko door ker dy isy Shifa de de, Tu (Allah) hi shifa deny wala ha. Teri (Allah) ki Shifa ke siwa koi Shifa nhi, aisi Shifa de ke kisi kisam ki bemari baqi na rahye". [5743: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Nazar-e-Bad ka lagna Haq ha aur Aap Sallalah Ho Alaihe Wa Sallam ne jisam per goodny se mana farmaya. [5740: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Nazar-e-Bad lag jany per Maozteen (Surah Akhlas, Surah Falak, Surah Naas) se dam ker lya kro. [5738: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam Apny marz-ul-wafat mein Apny upper ma'ozaat (Surah Akhlas, Surah Falak aur Surah Naas) ka dam kya kerty thy. Phir jab Aap Sallalah Ho Alaihe Wa Sallam ke lye dushwar ho gya to mein Inka dam Aap Sallalah Ho Alaihe Wa Sallam per kya kerti thi aur barkat ke lye Aap Sallalah Ho Alaihe Wa Sallam ka Hath Aap Sallalah Ho Alaihe Wa Sallam ke Jism Mubarak per bhi phair leti thi. Phir mein ne is ke motaliq poocha ke Aap Sallalah Ho Alaihe Wa Sallam kis tarhan dam kerty thy, unhun ne bataya ke Apny Hath per dam ker ke Hath ko Chehry per phaira kerty thy. [5735: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Pait ki bemari mein yani haiza se marny wala shaheed ha aur ta'oun ki bemari mein marny wala shaheed ha. [5733: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Madina mein dajjal dakhil nhi ho skyga aur na ta'oun aa sky ga. [5731: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jab tum sun lo ke kisi jagah ta'oun ki waba phail rhi ha to wahan mat jao lakin jab kisi jagah ye waba phoot pary aur tum wahein majood ho to us jagah se niklo bhi mat. [5728: Jild 7; Sahee Bukhari Shareef] [Ravi: Hazrat Saad]

Hazrat Asma' bint-e-Abi Bakar Sadeeq ke haan jab koi bukhar mein mubtala aorat lai jati thi to uske lye Dua kertein aur uske gireban mein pani daltein wo bayan krti thein ke Hazrat Muhammad Sallalah Ho Alaihe Wa Salam ne hamein hukam diya tha ke bukhar ko pani se thanda karein. [5724: Jild 7; Sahee Bukhari Shareef] [Ravi: Hazrat Fatima bint Manzar]

Hazrat Muhammad Sallalah Ho Alaihe Wa Sallam ne farmaya! Bukhar jahanum ki bhaap mein se ha, pas uski garmi ko pani se bhujao. [5723: Jild 7; Sahee Bukhari Shareef] [Ravi: Hazrat Ibn-e-Umer]

Aik sahab, Hazrat Muhammad Sallalah Ho Alaihe Wa Sallam ki khidmat mein hazir huy aur arz kiya ke mery bhai ko dast aa rhy hein. Hazrat Muhammad Sallalah Ho Alaihe Wa Sallam ne farmaya! Usy shehad pilao. [5716: Jild 7; Sahee Bukhari Shareef] [Ravi: Hazrat Abu Saeed]

Hazrat Muhammad Sallalah Ho Alaihe Wa Sallam ne farmaya! Khumbhi "man" mein se ha, is ka pani aankh ke lye shifa ha. [5708: Jild 7; Sahee Bukhari Shareef] [Ravi: Hazrat Saeed bin Zaid]

Hazrat Muhammad Sallalah Ho Alaihe Wa Sallam ne farmaya! Kalonji mein her bemari ki dawa ha siwa saam ke, Mein (Hazrat Ayesha) ne arz kiya saam kya ha? Aap Sallalah Ho Alaihe Wa Sallam ne farmaya! Mo'at. [5687: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ko Sheerni aur Shehad pasand tha. [5682: Jild 7; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Shifa teen (3) cheezun mein ha. Shehad ke sharbat mein, pichna lgwany mein aur aag se dagny mein lakin Mein (Sallalah Ho Alaihe Wa Sallam) ummat ko aag se daagh ker ilaj kerny se mana kerta hun. [5680: Jild 7; Sahee Bukhari Shareef] [Ravi: Hazrat Ibn-e-Abbas]