Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 44
Most Online Ever: 218
(November 12, 2012, 06:28:40 PM) Users Online
Members: 0
Guests: 43
Total: 43

Hazrat Muhammad Sallalah Ho Alaihe Wa Sallam ne farmaya! Kisi shaks ke lye jaiz nhi ke apny kisi bhai se teen (3) din se zyada ke lye mulaqat chory, is tarhan ke jab dono ka samna ho jye to ye bhi mun phair le aur wo bhi mun phair le aur in dono mein behtar wo he jo salam mein pehal kry. [6077: Jild 7; Sahee Bukhari Shareef] [Ravi: Hazrat Abu Ayub Ansari]

Hazrat Muhammad Sallalah Ho Alaihe Wa Sallam ne farmaya! Apas mein bughz na rakho aur aik (1) dosry se hasad na kro, peeth peachy kisi ki burai na kro, balke Allah ke bandy aur apas mein bhai bhai ban ker raho aur kisi musalman ke lye jaiz nhi ke kisi bhai se teen (3) din se zyada tak baat cheet band kry. [6076: Jild 7; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Kiya Mein (Sallalah Ho Alaihe Wa Sallam) tumhein Jannat walun ki khabar na dun? Her kamzor-o-tawaza' kerny wala agr wo (Allah ka naam le ker) qasam kha le to Allah uski qasam ko puri ker dega. Kiya Mein (Sallalah Ho Alaihe Wa Sallam) tumhien dozakh walun ki khabar na dun? Her tand-khu, akar ker chalny wala aur motakabbir. [6071: Jild 7; Sahee Bukhari Shareef] [Ravi: Hazrat Harisa bin Wahb]

Hazrat Muhammad Sallalah Ho Alaihe Wa Sallam ne farmaya! Meri tamam Ummat ko maaf kiya jyega siwa gunahun ko khullam khulla kerny walun ke aur gunahun ko khullam khulla kerny mein ye bhi shamil ha ke aik (1) shaks raat ko koi (gunah ka) kaam kry aur iske bawajood ke Allah ne uske gunah ko chupa diya he magr subha hony per wo keny lgy ke Aye falan! Mein ne kal raat falan falan bura kaam kiya tha. Raat guzar gai thi aur uske Rab ne uska gunah chupaye rakha, lakin jab subha hui to wo khud Allah ke pardy ko kholny lga. [6069: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Bad-gumani se bachty raho, bad-gumani aksar tehqeeq ke baad jhooti baat sabit hoti ha aur kisi ke ayub dhondny ke peachy na paro, kisi ka aib khwah makhwah mat tatolo aur kisi ke bhao per bhao na barhao aur hasad na kro, bughz na rakho, kisi ki peeth peechy burai na kro balke sab Allah ke bandy apas mein bhai bhai ban ker raho. [6066: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Apas mein bughz na rakho, hasad na kro, peeth peachy kisi ki burai na kro, balke Allah ke bandy apas mein bhai bhai ban ker raho aur kisi musalman ke lye jaiz nhi ke aik (1) bhai kisi bhai se teen (3) din se zyada salam kalam chor ker rhy. [6065: Jild 7; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Bad-gumani se bachty raho kyunke bad-gumani ki batein aksar jhooti hoti hein, logun ke ayub talash kerny ke peachy na paro, apas mein hasad na kro, kisi ki peeth peachy burai na kro, bughz na rakho, balke sab Allah ke bandy apas mein bhai bhai ban ker raho. [6064: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Tum Qiyamat ke din Allah ke Haan us shaks ko sab se bad-tar paogy jo kuch logun ke samny aik (1) rukh se ata ha aur dosrun ke samny dosry rukh se jata ha. [6058: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jo shaks (Roza ki halat mein) jhoot baat kerna aur faraib kerna aur jahalat ki batun ko na chory to Allah ko uski koi zarurat nhi ke wo apna khana peena chory. [6057: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jannat mein chughal khor nhi jyega. [6056: Jild 7; Sahee Bukhari Shareef] [Ravi: Hazrat Huzaifa]

Hazrat Muhammad Sallalah Ho Alaihe Wa Sallam do (2) qabrun ke pas se guzry aur farmaya ke in dono qabrun ke murdun ko azab ho rha ha aur ye kisi bary gunah ki wajah se azab mein giraftar nhi hein balke ye (aik (1) qabar ka murda) apny peeshab ki cheentun se nhi bachta tha (ya peeshab kerty waqat pardah nhi kerta tha) aur ye (dorsri (2) qabar wala murda) chughal khor tha, phir Aap Sallalah Ho Alaihe Wa Sallam ne aik (1) hari shaakh mangai aur usy do (2) tukrun mein phar ker dono qabrun per gaar diya uske baad farmaya ke jab tak ye shakhein sookh na jyen us waqat tak shayed in dono ka azab halka rhy. [6052: Jild 7; Sahee Bukhari Shareef] [Ravi: Hazrat Ibn-e-Abbas]

Hazrat Muhammad Sallalah Ho Alaihe Wa Sallam ne farmaya! Jo islam ke siwa kisi aur mazhab per qasam khaye (ke agr mein ne falan kaam kiya to mein nasrani hun, yahudi hun) to wo aisa ho jyega jaisy ke usne kaha aur kisi insan per in cheezun ki nazar sahee nhi hoti jo uske ikhtiyar mein na hun aur jis ne dunya mein kisi cheez se khud kushi ker li usy usi cheez se akhrat mein azab hoga aur jis ne kisi musalman per la'nat bheji to ye uske khoon kerny ke baraber ha aur jo skhaks kisi musalman ko kafir kahy to wo aisa ha jaisy uska khoon kya. [6047: Jild 7; Sahee Bukhari Shareef] [Ravi: Hazrat Sabit bin Zahaak]

Hazrat Muhammad Sallalah Ho Alaihe Wa Sallam fehash-go nhi thy, na Aap Sallalah Ho Alaihe Wa Sallam la'nat malamat kerny waly thy aur na gali dety thy, Aap Sallalah Ho Alaihe Wa Sallam ko bohat gussa aya to sirf itna keh dety, isy kya hogya ha, iski peshani mein khaq lgy. [6046: Jild 7; Sahee Bukhari Shareef] [Ravi: Hazrat Anas]

Hazrat Muhammad Sallalah Ho Alaihe Wa Sallam ne farmaya! Agr koi shaks kisi shaks ko kafir ya fasiq khy aur wo dar-haqiqat kafir ya fasiq na ho to khud kehny wala fasiq aur kafir ho jyega. [6045: Jild 7; Sahee Bukhari Shareef] [Ravi: Hazrat Abu Zar Ghaffari]

Hazrat Muhammad Sallalah Ho Alaihe Wa Sallam ne farmaya! Musalman ko gali dena gunah ha aur usko qatal kerna kufar ha. [6044: Jild 7; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne kisi ki reeh kharij hony per hansany se mana farmaya aur Aap Sallalah Ho Alaihe Wa Sallam ne ye bhi farmaya ke tum me se kis tarhan aik shaks apni bivi ko zor se marta ha jaisy oont, halanke uski puri umeed ha ke sham mein usy wo galy lgaye ga. [6042: Jild 7; Sahee Bukhari Shareef] [Ravi: Hazrat Abdullah bin Zam'a]

Hazrat Muhammad Sallalah Ho Alaihe Wa Sallam ne farmaya! Koi shaks Imaan ki halawat us waqat tak nhi paa skta jab tak wo agr kisi shaks se mohabat kerta ha to sirf Allah ke lye kry aur usko aag mein dala jana acha lgy per imaan ke baad jab Allah ne usy kufar se chura dya phir kafir ho jana usy pasand na ho aur jab tak Allah aur Uske Rasool Sallalah Ho Alaihe Wa Sallam se usy Un ke siwa dosri tamam cheezun ke muqably mein zyada mohabat na ho. [6041: Jild 7; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Jab Allah kisi banda se mohabat Kerta ha to Hazrat Jibrail ko awaz deta ha ke Allah falan banda se mohabat Kerta ha tum bhi is se mohabat kro. Hazrat Jibrail bhi us se mohabat kerny lagty hein, phir wo tamam asmaan walun mein awaz dety hein ke Allah falan banda se mohabat Kerta ha, tum bhi is se mohabat kro, phir tamam asman waly is se mohabat kerny lgty hein, iske baad wo zameen mein bhi (bandgan-e-Khuda ka) maqbool aur mehbob ban jata ha. [6040: Jild 7; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam Apny Ghar ke kaam kaaj kerty aur jab Nimaz ka waqat ho jata to Nimaz ke lye Masjid tashreef le jaty. [6039: Jild 7; Sahee Bukhari Shareef] [Ravi: Hazrat Ayesha]

Mein ne (Hazrat Anas) Hazrat Muhammad Sallalah Ho Alaihe Wa Sallam ki das (10) saal khidmat ki lakin Aap Sallalah Ho Alaihe Wa Sallam ne kbhi mujy (Hazrat Anas) uff tak nhi kaha aur na kbhi ye kaha ke falan kaam kyun kiya aur falan kaam kyun nhi kya. [6038: Jild 7; Sahee Bukhari Shareef] [Ravi: Hazrat Anas]