Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 23
Most Online Ever: 258
(December 26, 2024, 03:57:34 PM) Users Online
Members: 0
Guests: 19
Total: 19

Hazrat Muhammad Sallalah Ho Alaihe Wa Sallam ne farmaya! Nazar (Mannat) insan ko koi aisi cheez nhi deti jo uske muqadar mein na ho, albata Allah iske zarya bakheel se uska maal nikalwata ha aur is tarhan wo cheezain sadqa ker deta ha jiski is se pehly iski umeed ni ki ja skti. [6694: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Nazar (Mannat) kisi cheez ko na aagy ker skti ha na peachy, albata iske zarya bakheel ka maal nikala ja skta ha. [6692: Jild 8; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Bila-shuba amal ka daro-madar niyyat per ha aur insan ko whi milyga jiski wo niyat kryga pas jis ki hijrat Allah aur Us ke Rasool Sallalah Ho Alaihe Wa Sallam ke lye hogi to waqai wo inhi ke lye hogi aur jis ki hijrat dunya hasil kerny ke lye ya kisi aorat se shadi kerny ke lye hogi to uski hijrat isi ke lye hogi jis ke lye usne ki. [6689: Jild 8; Sahee Bukhari Shareef] [Ravi: Hazrat Umer bin Khitab]

Hazrat Muhammad Sallalah Ho Alaihe Wa Sallam ne farmaya! Jo shaks is haal mein mar jyega ke Allah ke sath kisi ko shareek tehrata hoga to wo jahanum mein jyega. [6683: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Do (2) Kalmy jo Zuban per halky hien lakin Tarazu per (Aakhrat mein) bhari hien aur Allah ke Yahan pasandedah hein wo ye hein "Subhan Allahe Wa Be-Hamdehi Subhan Allah-hil-Azeem". [6682: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis ne jhoti qasam is tor se khai ke is ke zarya kisi musalman ka maal na-jaiz tariqa se hasil kry to wo Allah se is haal mein milyga ke Allah is per nihayat hi gussa hoga. [6676: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Kabeerah gunah Allah ke sath shirk krn, waldain ki nafarmani kerna, kisi ki na-haq jaan lena aur yameen-ghamoos (qasadan jhoti qasam khany ko kehty hien). [6675: Jild 8; Sahee Bukhari Shareef] [Ravi: Hazrat Abdullah bin Umru]

Hazrat Muhammad Sallalah Ho Alaihe Wa Sallam ne farmaya! Jis ne Roza rakha ho aur bhool ker kha lya ho to usy apna Roza pura ker lena chahye kyun ke usy Allah ne khilaya pilaya ha. [6669: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Allah ne Meri Ummat ki un ghaltiun ko mua'f kiya ha jin ka sirf dil mein waswasa guzry ya dil mein uske kerny ki khwahish paida ho mgr uske mutabiq amal na ho aur na baat ki ho. [6664: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jahanum baraber yhi kehti rhygi ke kiya kuch aur ha kiya kuch aur ha? Aakhir Allah Apna Qadam Mubarak is mein rakh dega to wo keh uthygi bas bas mein bhar gai. Teri Izzat ki qasam! Aur iska baaz hissa baaz ko khany lgyga. [6661: Jild 8; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Jis ne jhooti qasam is maqsad se khai ke kisi musalman ka maal uske zarya na-jaiz tareeqy per hasil kry to wo Allah se is haal mein milyga ke wo is per ghazab-naak hoga. Phir Allah ne iski tasdeek nazil ki (Qur'an Majeed mein ke) bila-shubah wo log jo Allah ke Ehad ke zarya kharidty hein. [6659: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam se poocha gya ke kon log achy hein. Aap Sallalah Ho Alaihe Wa Sallam ne farmaya ke Mera (Sallalah Ho Alaihe Wa Sallam) ka zamana, phir wo log jo us se qareeb hongy phir wo log jo us se qareeb hongy. Uske baad aik (1) aisi qoam paida hogi jiski gawahi qasam se pehly zuban per aa jaya krygi aur qasam gawahi se pehly. [6658: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Mein (Sallalah Ho Alaihe Wa Sallam) tum ko batlaun behishti kon log hein? Her aik (1) ghareeb natawan jo agr Allah ke bharosy per qasam kha bhethy to Allah usko sacha kry (uski qasam puri ker dy) aur dozakhi kon log hein her aik (1) mota (fat), laraka, maghroor, fasadi. [6657: Jild 8; Sahee Bukhari Shareef] [Ravi: Hazrat Harsa bin Wahb]

Hazrat Muhammad Sallalah Ho Alaihe Wa Sallam ne farmaya! Jis musalman ke teen (3) bachy mar jyen to usko dozakh ki aag nhi chuygi magr sirf qasam utarny ke lye. [6656: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jo Islam ke siwa kisi aur mazhab per qasam khaye pas wo aisa hi ha jaisi ke usne qasam khai ha aur wo shaks apny nafs (apni jaan) ko kisi cheez se halak kery wo dozakh mein usi cheez se azab diya jata rhyga aur Momin per la'nat bhejna usko qatal kerny ke baraber ha aur jis ne kisi Momin per kufar ka ilzam lagaya pas wo bhi uske qatal kerny ke baraber ha. [6652: Jild 8; Sahee Bukhari Shareef] [Ravi: Hazrat Sabit bin Zahaaq]

Hazrat Muhammad Sallalah Ho Alaihe Wa Sallam ne farmaya! Apny baap daadaun ki qasam na khao. [6648: Jild 8; Sahee Bukhari Shareef] [Ravi: Hazrat Abdullah bin Denaar]

Hazrat Muhammad Sallalah Ho Alaihe Wa Sallam ne farmaya! Khabardar tehqeeq Allah ne tumhein baap daadaun ki qasam khany se mana kiya ha, jisy qasam khani ha usy (ba-shart sidaq) chahye ke Allah hi ki qasam khaye warna chup rhy. [6646: Jild 8; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Hazrat Suleman ne aik (1) din kaha ke aaj mein raat mein apni nawwy (90) biviun ke paas jaunga aur her aik (1) ke yahan aik (1) ghorr sawar bacha paida hoga jo Allah ke rasty mein Jihad kryga. Is per unke sathi ne kaha In Sha Allah!. Lakin Hazrat Suleman ne In Sha Allah nhi kaha, chunacheh wo apni tamam biviun ke paas gye lakin aik (1) aorat ke siwa kisi koi hamal nhi hua aur us se bhi naqis bacha paida hua aur US Zaat Ki Qasam Jis Ke Haath Mein Muhammad Sallalah Ho Alaihe Wa Sallam ki Jaan ha! Agr unhun ne In Sha Allah keh diya hota to (tamam biviun ke yahan bachy paida hoty) aur sab ghorun per sawar ho ker Allah ke rasty mein Jihad kerny waly hoty. [6639: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Us Zaat ki qasam! Jis Ke Haath mein Meri (Sallalah Ho Alaihe Wa Sallam) ki jaan ha agr tum bhi aakhrat ki wo mushkilaat janty jo Mein (Sallalah Ho Alaihe Wa Sallam) janta hun to tum zyada roty aur kam hansty. [6637: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam Hazrat Umer bin Khitab ka hath pakry huy thy. Hazrat Umer ne arz kiya, Ya Rasool Allah! Aap Sallalah Ho Alaihe Wa Sallam mujhy her cheez se zyada aziz hein, siwa meri apni jaan ke. Aap Sallalah Ho Alaihe Wa Sallam ne farmaya nahi, Us Zaat ki qasam jiske hath mein Meri (Sallalah Ho Alaihe Wa Sallam ki) Jaan ha, (Imaan us waqat tak muqamal nhi ho skta) jab Mein (Sallalah Ho Alaihe Wa Sallam) tumhein tumhari apni jaan se bhi zyada aziz na ho jaun. Hazrat Umer ne arz kiya phir Wallah! Ab Aap Sallalah Ho Alaihe Wa Sallam mujhy meri apni jaan se bhi zyada aziz hein. Aap Sallalah Ho Alaihe Wa Sallam ne farmaya, Haan, Umer! Ab tera Imaan pura hua. [6632: Jild 8; Sahee Bukhari Shareef] [Ravi: Hazrat Abdullah bin Hashaam]