Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 34
Most Online Ever: 258
(December 26, 2024, 03:57:34 PM) Users Online
Members: 0
Guests: 17
Total: 17

Hazrat Muhammad Sallalah Ho Alaihe Wa Sallam ne farmaya! Agah ho jao, tum mein se her aik (1) nagehban ha aur her aik (1) se uski riaya ke bary mein sawal kiya jyega. Pas Imam (Ameer-ul-Momeneen) logun per nagehban ha aur us se uski riaya ke bary mein sawal hoga. Mard apny ghar walun ka nagehban ha aur us se uski riaya ke bary mein sawal hoga aur aorat apny shohar ke ghar walun aur uske bachun ki nagehban ha aur us se unke bary mein sawal hoga aur kisi shaks ka ghulam apny sardar ke maal ka nagehban ha aur us se us ke bary sawal hoga. Agah ho jao ke tum mein se her aik (1) nagehban ha aur her aik (1) se uski riaya ke bary mein pursish hogi. [7138: Jild 8; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Jisne Meri ata'at ki usne Allah ki ata'at ki aur jisne Meri na-farmani ki usne Allah ki na-farmani ki aur jisne Mery (muqarar kiye huy) Ameer ki ata'at ki usne Meri ata'at ki aur jisne Mery Ameer ki na-farmani ki usne Meri na-farmani ki. [7137: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Dajjal ayega aur Madinah ke aik (1) kinary qiyam kryga. Phr Madinah teen (3) martaba kanpy ga aur iske natijah mein her kafir aur munafiq nikal ker uski taraf chala jyega. [7124: Jild 8; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Dajjal dahni (right) aankh (eye) se kana hoga uski aankh kya ha goya phula hua angoor. [7123: Jild 8; Sahee Bukhari Shareef] [Ravi: Hazrat Ibn-e-Umer]

Hazrat Muhammad Sallalah Ho Alaihe Wa Sallam ne farmaya! Anqareeb darya-e-farat se sony ka aik (1) khazana niklyga pas jo koi wahan mojood ho wo usme se kuch na le. [7119: Jild 8; Sahee Bukhari Shareef] [Ravi: Hazrat Abu Hurairah]

119.   Hazrat Muhammad Sallalah Ho Alaihe Wa Sallam ne farmaya! Qiyamat qaim na hogi yahan tak ke aik (1) shaks dosry ki qabar ke pas se guzry ga aur kahy ka kaash! Mein bhi isi ki jagah hota. [7115: Jild 8; Sahee Bukhari Shareef] [Ravi: Hazrat Abu Hurairah]
[Zamana ke halat itny kharab ho jyengy ke log zindagi se tang aa ker moa't ki arzu krngy. Arzu krngy ke kaash ham bhi mar ker qabar mein gir gye hoty ke ye aftein aur balaein na daikhty]

Hazrat Muhammad Sallalah Ho Alaihe Wa Sallam ne farmaya! Jab Allah kisi qoam per azab nazil kerta ha to azab un sab logun per ata ha jo us qoam mein hoty hein phir unhein unke a'maal ke mutabiq uthaya jyega. [7108: Jild 8; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Mery baad kufar ki taraf na lot jana ke aik (1) dosry ki gardany marny lago. [7077: Jild 8; Sahee Bukhari Shareef] [Ravi: Hazrat Ibn-e-Umer]

Hazrat Muhammad Sallalah Ho Alaihe Wa Sallam ne farmaya! Musalman ko gali dena fasaq ha aur usko qatal kerna kufar ha. [7076: Jild 8; Sahee Bukhari Shareef] [Ravi: Hazrat Abdullah]

Hazrat Muhammad Sallalah Ho Alaihe Wa Sallam ne farmaya! Koi shaks apny kisi deeni bhai ki taraf hathyar se ishara na kry, kyunke wo nhi janta mumkin ha shaitan usy uske hath se churwa de aur phir wo kisi musalman ko maar ker iski waja se jahanum ke garhy mein gir pary. [7072: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jisne ham musalmanun per hathyaar uthaya wo Ham se nhi ha. [7070: Jild 8; Sahee Bukhari Shareef] [Ravi: Hazrat Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Sabar karo kyunke tum per jo dor bhi ata ha to uske baad any wala dor us se bhi bura hoga yahan tak ke tum apny Rab (Allah) se ja milo. [7068: Jild 8; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Wo bad-bakht tareen logun mein se hongy jinki zindagi mein Qiyamat ayegi. [7067: Jild 8; Sahee Bukhari Shareef] [Ravi: Hazrat Ibn-e-Masood]

Hazrat Muhammad Sallalah Ho Alaihe Wa Sallam ne farmaya! Qiyamat se pehly aisy din ayengy jin mein ilm utha lya jyega aur jahalat utar parygi aur harj (qatal) ki kasrat ho jyegi aur harj qatal ha. [7064: Jild 8; Sahee Bukhari Shareef] [Ravi: Hazrat Abu Musa]

Hazrat Muhammad Sallalah Ho Alaihe Wa Sallam ne farmaya! Zamana qareeb hota jyega aur amal kam hota jyega aur lalach dilun mein daal dya jyega aur fitny zahir hony lgngy aur harj ki kasrat ho jyegi. Logun ne sawal kya, Ya Rasool Allah! Ye harj kya cheez ha? Aap Sallalah Ho Alaihe Wa Sallam ne farmaya ke qatal! qatal!. [7061: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Mein Hoz-e-Kosar per tum logun ka pesh-khema honga aur tum mein se kuch log Meri taraf ayengy jab Mein inhein (Hoz ka pani) deny ke lye jhukunga to inhein Mery samny se khench lya jyega. Mein kahunga Aye Mery Rab! Ye to Meri ummat ke log hein. Allah farmyega! Aap Sallalah Ho Alaihe Wa Sallam ko maloom nhi ke inhun ne Aap Sallalah Ho Alaihe Wa Sallam ke baad deen mein kya nai nai batein nikal li thein. [7049: Jild 8; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Saleh khwab Allah ki taraf se hoty hein aur bury khwab shaitan ki taraf se pas jo shaks koi bura khwab daiky to apny bayen (left) taraf kerwat le ker teen (3) martaba thu thu kery aur shaitan se Allah ki panah mangy wo khwab-bad isko nuqsan nhi dega aur shaitan kabhi Meri (Sallalah Ho Alaihe Wa Sallam ki) Shakal mein nhi aa skta. [6995: Jild 8; Sahee Bukhari Shareef] [Ravi: Hazrat Abu Qatadah]

Hazrat Muhammad Sallalah Ho Alaihe Wa Sallam ne farmaya! Jis ne Mujhy (Sallalah Ho Alaihe Wa Sallam ko) khwab mein daikha to kisi din Mujhy (Sallalah Ho Alaihe Wa Sallam ko) baidari mein bhi daikhyga. [6993: Jild 8; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Acha khwab Allah ki taraf se hota ha aur bura khwab shaitan ki taraf se. Pas agr koi bura khwab daikhy to usy us (khwab) se Allah ki panha mangni chahye aur bayein (left) taraf thukna chahaye. Ye khwab usy koi nuqsan nhi pohancha skyga. [6986: Jild 8; Sahee Bukhari Shareef] [Ravi: Hazrat Abu Qatadah]

Hazrat Muhammad Sallalah Ho Alaihe Wa Sallam ne farmaya! Jab tum mein se koi aisa khwab daikhy jisy wo pasand kerta ho to wo Allah ki taraf se hota ha. Is per Allah ki Hamd kry aur usy bta dena chahye lakin agr koi iske siwa koi aisa khwab daikhta ha jo usy na-pasand ha to ye shaitan ki taraf se hota ha. Pas iske sherr se panha mangy aur kisi se aisy khwab ka zikar na kry. Ye khwab isy kuch nuqsan nhi pohancha skyga. [6985: Jild 8; Sahee Bukhari Shareef] [Ravi: Hazrat Abu Saeed Khadri]