Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 207
Most Online Ever: 218
(November 12, 2012, 06:28:40 PM) Users Online
Members: 0
Guests: 173
Total: 173

Hazrat Muhammad Sallalah Ho Alaihe Wa Sallam ne farmaya! Jannat ke aath ( darwazy hein. In mein aik (1) darwazy ka naam Riyan ha. Jis se dakhil hony waly sirf rozydar hongy. [3257: Volume 4; Sahee Bukhari Shareef] [Ravi: Hazrat Sehal bin Saad]

Hazrat Muhammad Sallalah Ho Alaihe Wa Sallam ne farmaya! Janati log apny se buland kamry walun ko upper usi tarhan dakhein gy jaisy chamakty sitary ko jo subha ke waqat reh gya ho, aasman ke kinary purab ya pacham mein dakhty hein. In mein aik (1), dosry se afzal hoga. Logun ne arz kya Ya Sallalah Ho Alaihe Wa Sallam! Ye to Anbia ke mehal hongy jinhein unke siwa aur koi na pa skyga. Aap Sallalah Ho Alaihe Wa Sallam ne farmaya ke nhi, Us Zaat (Allah) ki qasam! Jis ke Haath Meri Sallalah Ho Alaihe Wa Sallam ki Jaan ha, ye un logun ke lye hongy jo Allah per Imaan laye aur Anbia ki tasdeeq ki. [3256: Volume 4; Sahee Bukhari Shareef] [Ravi: Hazrat Abu Saeed Khudri]

Hazrat Muhammad Sallalah Ho Alaihe Wa Sallam ne farmaya! Jannat mein aik (1) darakht ha jis ke saaye mein aik (1) sawar so (100) saal tak chal skta ha aur phir bhi isko teh na ker skyga. [3251: Volume 4; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Jannat mein aik kurry ki jagah dunya se aur jo kuch dunya mein ha, sab se behtar ha. [3250: Volume 4; Sahee Bukhari Shareef] [Ravi: Hazrat Sehal bin Saad]

Hazrat Muhammad Sallalah Ho Alaihe Wa Sallam ne farmaya! Meri Ummat mein se sattar hazar (70,000) ya (Aap Sallalah Ho Alaihe Wa Sallam ne farmaya ke) saat lakh (Seven Lac) ki aik (1) jamat Jannat mein aik (1) hi waqat mein dakhil hogi aur un sab ke chehry aisy chamkein gy jaisy choudhwein ka chand chamakta ha. [3247: Volume 4; Sahee Bukhari Shareef] [Ravi: Hazrat Sehal bin Saad]

Hazrat Muhammad Sallalah Ho Alaihe Wa Sallam ne farmaya! Jannat mein dakhil hony waly sab se pehly garoh ke chehry aisy roshan hongy jaisy chudwein ka chand roshan hota ha. Na us mein thukein gy, na unki naak se koi aalaish ayegi aur na peshab, pekhana krngy. Un ke bartan sony ke hongy. Khanghy sony chandi ke hongy. Ingethyun ka endhan oud ka hoga. Pasina mushk jaisa khusbudar hoga aur her shaks ki do (2) bivian hongi. Jin ka husan aisa hoga ke pindliun ka guda gosht ke upper se dikhai dega. Na jannatiun mein apas mein koi ikhtilaf hoga aur na bughz-o-anad. Unke dil aik hongy aur wo subha-o-shaam Allah Paak ki tasbeeh-o-tehlil mein mashgul rha krngy. [3245: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Allah ka irshad ha ke Mein ne Apny bandun ke lye wo cheezain tayar ker rakhi hein, jinhein na ankhun ne dakha, na kanun ne suna na kisi insan ke dil mein unka kabhi khyal guzra ha. Agr jee chahye to ye Ayat parh lo "Pas koi shaks nhi janta ke uski ankhun ki thandak ke lye kya kya chezain chupa ker rakhi gaein hein. [3244: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jannatiun ka khema kya ha? Aik moti ha kholdar jis ki bulandi upper tees (30) meel (mile) tak ha. Is ke her kinary per momin ki aik bivi hogi jisy dosry na dakh sakein gy. [3243: Volume 4; Sahee Bukhari Shareef] [Ravi: Hazrat Abu Bakar bin Abdullah bin Qais Ash'ara]

Hazrat Muhammad Sallalah Ho Alaihe Wa Sallam ne farmaya! Mein ne khwab mein Jannat daikhi, Mein ne is mein aik (1) aorat ko daikha jo aik (1) mehal ke kinary wazu ker rhi thi, Mein ne poocha ke ye mehal kis ka ha? To Farishtun ne bataya ke ye Umar bin Khitab ka mehal ha. Mujhy unki ghairat yaad aai aur Mein wahan se foran lot aya. Ye sun ker Hazrat Umar ro diye aur kehny lgy, Ya Rasool Allah! Kiya mein Aap ke sath bhi ghairat karunga? [3242: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jab koi shaks marta ha to (rozana) subha-o-shaam dono waqat uska thikana (jahan wo aakhrat mein rhyga) usy dikhlaya jata ha. Agr wo jannati ha to Jannat mein agr wo dozakhi ha to dozakh mein. [3240: Volume 4; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Ager kisi mard ne apni bivi ko apny bistar per bulaya, lakin usne aany se inkar ker dya aur mard is per gussa ho ker so gya, to subha tak farishty us aorat per la'nat kerty rehty hein. [3237: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Koi shaks Nimaz ki waja se jab tak kahein tehra rhy ga us ka ye sara waqat Nimaz mein shumar hoga aur Malaika uske lye ye Dua kerty rahein gy ke "Ay Allah! Is ki maghfarat farma aur is per Apni Rehmat nazil ker" (us waqat tak) jab tak wo Nimaz se farigh ho ker apni jagah se uth na jye ya baat na kery. [3229: Volume 4; Sahee Bukhari Shareef]

Hazrat Muhammad Sallalah Ho Alaihe Wa Sallam ne farmaya! Farishty us ghar mein dakhil nhi hoty jis mein kutty hun aur us mein bhi ni hoty jis mein murat ho. [3225: Volume 4; Sahee Bukhari Shareef] [Ravi: Hazrat Abu Talha]

Hazrat Muhammad Sallalah Ho Alaihe Wa Sallam ne farmaya! Farishty Anan mein utarty hein, aur Anan se murad badal hein. Yahan Farishty un kamun ka zikar kerty hein jinka faisla asman mein ho chuka hota ha. Aur yahein se shayateen kuch chori chupy batein urra lety hein. Phir kahinun ko uski khabar ker dety hien, aur ye kahin so (100) jhoot apni taraf se mila ker usy bayan kerty hein. [3210: Volume 4; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Suraj aur Chaand mein kisi ki moat-o-hayat ki wajha se garehan nhi lagta, bal ke ye Allah ki nishaniyun mein se aik nishani he. Is lye jab tum inko dakho to Nimaz parha karo. [3201: Volume 4; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Qiyamat ke din Suraj aur Chaand dono tareek (be-noor) ho jyengy. [3200: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis ne kisi ki zameen mein se kuch na-haq le lya, to Qiyamat ke din usy saat (7) zaminun tak dhansaya jyega. [3196: Volume 4; Sahee Bukhari Shareef] [Ravi: Hazrat Salim bin Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Jab Allah makhlooq ko paida ker chuka to Apni Kitaab (LOH-E-MEHFOOZ) mein, jo Us (Allah ke) pas Arsh per majood ha, Us (Allah) ne likha ke Meri (Allah ki) Rehmat Mery (Allah ke) gussy per ghalib ha. [3194: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Her daghabaz ke lye Qiyamat ke din aik (1) jhanda hoga jo uski daghabazi ki ilamat ke tor per (us ke peechy) ghaar diya jye ga. [3188: Volume 4; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Chaar (4) adatein asi hein ke ager ye charun (4) kisi aik (1) shaks mein jama ho jyen to wo pakka munafiq ha. Wo shaks jo baat kery to jhoot boly, aur jab wada kery, to wada khilafi kry, aur jab moahida kry to usy pura na kery. Aur jab kisi se lary to gali ghaloch per uter aye. Aur ager ksi shaks ke andar in charun (4) adatun mein se aik hi aadat ha, to us ke andar nifaq ki aik (1) aadat ha jab tak ke wo isy chorr na de. [3178: Volume 4; Sahee Bukhari Shareef] [Ravi: Hazrat Abdullah bin Umro]