Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 207
Most Online Ever: 218
(November 12, 2012, 06:28:40 PM) Users Online
Members: 0
Guests: 142
Total: 142

Hazrat Muhammad Sallalah Ho Alaihe Wa Sallam ne farmaya! Jo shaks apni rozi mein kushadgi chahta ho ya umer ki darazi chahta ho to usy chahye ke Sila Rehmi kry. [2067: Volume 3; Sahee Bukhari Shareef]

Hazrat Muhammad Sallalah Ho Alaihe Wa Sallam Apni baaz Azwaj-e-Mohtarat ka Roza-dar hony ke ba-wajood bosa le lya kerty thy. [1928: Volume 3; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Sehri khao ke sehri mein barkat hoti ha. [1923: Volume 3; Sahee Bukhari Shareef] [Ravi: Hazrat Anas bin Malik]

Hazrat Muhammad Sallalah Ho Alaihe Wa Sallam ne farmaya! Tum mein se koi shaks Ramazan se pehly (Sha'baan ki akhri tareekhun mein) aik (1) ya do (2) din ke rozy na rakhy albata agr kisi ko in mein rozy rakhny ki aadat ho to wo us din bhi roza rakh le. [1914: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Agr koi sahib-e-taqat wala ho to usy nikah ker lena chahye kyunke nazar ko neechi rakhny aur sharam-gah ko bad-fai'li se mehfooz rakhny ka ye zarya ha aur kisi mein nikah kerny ki taqat na ho to usy rozy rakhny chahyein kyunke wo iski shehwat ko khatam ker deta ha. [1905: Volume 3; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Allah fermata ha ke insaan ka her naik amal khud usi ke lye ha mgr roza ke wo khaas Mery (Allah) ke lye ha aur Mein (Allah) hi iska badla dunga aur roza gunahun ki aik (1) dhaal ha, agr koi rozy se ho to usy fehash-goi na kerni chahye aur na shor machaye. Agr koi shaks usko gali de ya larna chahy to uska jawab sirf ye ho ke mein aik (1) roza-dar admi hun, Us Zaat (Allah) ki qasam jis ke Hath mein Muhammad Sallalah Ho Alaihe Wa Sallam ki Jaan ha! Roza-daar ki mun ki bu Allah ke nazdeek mushk ki khushbu se bhi zyada behtar ha, roza-daar ko do (2) khushyan hasil hongi (aik (1) to jab) wo iftar kerta ha to khush hota ha aur (dosry (2)) jab wo apny Rab se mulaqat keryga to apny rozy ka sawab paa ker khush hoga. [1904: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Agr koi shaks jhoot bolna aur dagha-bazi kerna (rozy rakh ker bhi) na chory to Allah ko iski koi zarurat nhi ke wo apna khana peena chor de. [1903: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jo koi Shab-e-Qadar mein Imaan ke sath aur hasool-e-sawab ki niyyat se ibadat mein khara ho uske tamam agly gunah bakhsh diye jyengy aur jis ne Ramazan ke rozy Imaan ke sath aur sawab ki niyyat se rakhy uske agly tamam gunah muaf ker diye jyengy. [1901: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jab Ramazan ka maheena ata ha to asman ke tamam darwazy khol diye jaty hein, jahanum ke darwazy band ker dye jaty hein aur shayateen ko zanjeerun se jakar diya jata ha. [1899: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jab Ramazan ata ha to Jannat ke darwazy khol dye jaty hein. [1898: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jannat ka aik (1) Darwazah ha jisy "Riyyan" kehty hein, Qiyamat ke din is Darwazah se sirf Roza-dar hi Jannat mein dakhil hongy, inke siwa aur koi isme se nhi dakhil hoga. Pukara jyega ke Roza-dar kahan hein? Wo khary ho jyengy inke siwa is se aur koi nhi andar jany paye ga aur jab ye log andar chaly jyengy to ye darwaza band ker diya jyega, phir is se koi andar na ja skyga. [1896: Volume 3; Sahee Bukhari Shareef] [Ravi: Hazrat Sehal bin Saad]

Hazrat Muhammad Sallalah Ho Alaihe Wa Sallam ne farmaya! Roza dozakh se bachny ke lye aik (1) dhaal ha, is lye (Roza-dar) na fehash batein kry aur na jahalat ki batein aur agr koi shaks is se lry ya isy gali de to iska jawab sirf ye hona chahye ke mein roza-dar hun, (ye ilfaz) do (2) martaba (keh de) Us Zaat (Allah) ki qasam! Jiske Hath mein Meri (Sallalah Ho Alaihe Wa Sallam) ki Jaan ha, Roza-dar ke mun ki bu Allah ke nazdeek mushk ki khushbu se bhi zyada pasandedah aur pakeezah ha, (Allah fermata ha) banda apna khana peena aur shehwat Mery (Allah ke) lye chorta ha, roza Mery (Allah ke) lye ha aur Mein (Allah) hi iska badla dunga aur (dosri) naikiun ka sawab bhi asal naiki ke das (10) guna hota ha. [1894: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis ka jee chahy Yom-e-Aashora ka Roza rakhy aur jis ka jee chahy na rakhy. [1893: Volume 3; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Madinah ke rastun per Farishty hein na is mein Ta'un aa skta ha na Dajjal. [1880: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Madinah per Dajal ka ro'ab bhi nhi pryga, is dor mein Madinah ke saat (7) darwazy hongy aur her darwazy per do Farishty hongy. [1879: Volume 3; Sahee Bukhari Shareef] [Ravi: Hazrat Abu Bakrah]

Hazrat Muhammad Sallalah Ho Alaihe Wa Sallam ne farmaya! Ahl-e-Madinah ke sath jo shaks bhi faraib kryga wo is tarhan ghul jyega jaisy namak pani mein ghul jaya kerta ha. [1877: Volume 3; Sahee Bukhari Shareef] [Ravi: Hazrat Saad bin Abi Waqas]

Hazrat Muhammad Sallalah Ho Alaihe Wa Sallam ne farmaya! (Qiyamat ke qareeb) Imaan Madinah mein is tarhan simat ayega jaisy saanp simat ker apny bil mein aa jaya kerta ha. [1876: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Mujhy aik (1) aisy shehar (mein Hijrat) ka hukam hua ha jo dosry shehrun ko kha lega (yani sab ka sardar bny ga), munafqeen isy Yasrab kehty hein lakin is ka naam Madinah ha wo (bury) logun ko is tarhan bahir ker deta ha jis tarhan bhatti lohy ke zang ko nikal deti ha. [1871: Volume 3; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Madinah Haram ha, falan jagah se falan jagah tak (yani Jabal Aeir se Sor Tak) is had mein koi darakht na kata jye na koi bid'at ki jye aur jis ne bhi yahan koi bid'at nikali is per Allah aur tamam Malaika aur insanun ki la'nat ha. [1867: Volume 3; Sahee Bukhari Shareef] [Ravi: Hazrat Anas]

Hazrat Muhammad Sallalah Ho Alaihe Wa Sallam ne farmaya! Paanch (5) janwar aisy hein jo sab ke sab moozi hein aur unhein Haram (Allah Ka Ghar) mein bhi mara ja skta ha: kawa, cheel, bichu, chuha aur katny wala kuta. [1829: Volume 3; Sahee Bukhari Shareef] [Ravi: Hazrat Ayesha]