Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 207
Most Online Ever: 218
(November 12, 2012, 06:28:40 PM) Users Online
Members: 0
Guests: 112
Total: 112

Hazrat Muhammad Sallalah Ho Alaihe Wa Sallam ne farmaya! Kisi musalman ke lye jis ke pas wasiyat ke qabil koi bhi maal ho, darust nhi ke do (2) raat bhi wasiyat ko likh ker apny pas mehfoz rakhy bgair guzary. [2738: Volume 4; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Allah ke ninway (99) Naam-Mubarak hein yani aik (1) kam so (100). Jo shaks in sab ko mehfooz rakhy ga wo Jannat mein dakhil hoga. [2736: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Koi sherhi kisi dehati ka maal tijarat na bechy. Koi shaks najash na kery aur na apny bhai ki lgai hui qeemat per baho barhaye. Na koi shaks apny kisi bhai ke pegham-e-nikah ki majudgi mein apna pegham bhejy aur na koi aorat (kisi mard) se apni behan ki talaq ka mutalba kery (jo us mard ke nikah mein ho) ta ke us ka hissa bhi khud le ly. [2723: Volume 4; Sahee Bukhari Shareef] [Ravi: Hazrat Abu Hurairah]
Najash: Dhoka deny ki niyyat se nirkh barhana ta ke wo dosra shaks jald isko kharid le, ya kisi bikti hui cheez ki burai bayan kerna ta ke kharidar is ko chor ker dosri taraf chala jye aur kharidar ko dhoka deny ke lye janwar ka doodh uske thanu mein rok ker rakhna.

Hazrat Muhammad Sallalah Ho Alaihe Wa Sallam ne farmaya! Wo shartein (Haq Mehar) jin ke zarya tum ne aortun ki sharamgahun ko Halal kiya ha, puri ki jany ki sab se zyada mustahiq hein. [2721: Volume 4; Sahee Bukhari Shareef] [Ravi: Hazrat Uqbah bin Aamir]

Hazrat Muhammad Sallalah Ho Alaihe Wa Sallam sirf Zuban Mubarak se bai't kerty thy. Qasam Allah ki! Bai't kerty waqat Aap Sallalah Ho Alaihe Wa Sallam ke Hath Mubarak ne kisi bhi aorat ke hath ko kbhi nhi chua, bal-ke Aap Sallalah Ho Alaihe Wa Sallam sirf Zuban Mubarak se bai't liya kerty thy. [2713: Volume 4; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Insaan ke badan ke (300 jorun mein se) her jorr per her us din ka sadqa wajib ha jis mein Suraj tal'u hota ha aur logun ke darmyan insaaf kerna bhi aik sadqa ha. [2707: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis ne Hamary Deen mein az-khud koi aisi cheez nikali jo is mein nhi thi to wo rad he. [2697: Volume 4; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Jhoota wo nhi ha jo logun mein baham sulha karany ki koshish kery aur is ke lye kisi achi baat ki chugli khaye ya is silsila ki aur koi achi baat keh de. [2692: Volume 4; Sahee Bukhari Shareef] [Ravi: Hazrat Ume Kalsoom bint Uqbah]

Hazrat Muhammad Sallalah Ho Alaihe Wa Sallam ne farmaya! Agr logun ko maloom hota ke Azaan aur saff-e-awal mein kitna sawab ha aur phir (inhein hasil kerny ke lye) qur'a andazi kerni parti, to wo qur'a andazi bhi kerty aur agr inhein maloom ho jye ke Nimaz sawery parhny mein kitna sawab he to log aik dosry se sabqat kerny lagein aur agr inhein maloom ho jye ke Isha aur Subha ki kitni fazilatein hein to agr ghutnun ke bal ana perta to phir bhi aty. [2689: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis ne Hamary Deen mein az-khud koi aisi cheez nikali jo is mein nhi thi to wo rad he. [2682: Volume 4; Sahee Bukhari Shareef] [Ravi: Hazrat Ayesha]

Hazrat Muhammad Sallalah Ho Alaihe Wa Sallam ne farmaya! Jhoota wo nhi ha jo logun mein baham sulha karany ki koshish kery aur is ke lye kisi achi baat ki chugli khaye ya is silsila ki aur koi achi baat keh de. [2692: Volume 4; Sahee Bukhari Shareef] [Ravi: Hazrat Ume Kalsoom bint Uqbah]

Hazrat Muhammad Sallalah Ho Alaihe Wa Sallam ne farmaya! Agr logun ko maloom hota ke Azaan aur saff-e-awal mein kitna sawab ha aur phir (inhein hasil kerny ke lye) qur'a andazi kerni parti, to wo qur'a andazi bhi kerty aur agr inhein maloom ho jye ke Nimaz sawery parhny mein kitna sawab he to log aik dosry se sabqat kerny lagein aur agr inhein maloom ho jye ke Isha aur Subha ki kitni fazilatein hein to agr ghutnun ke bal ana perta to phir bhi aty. [2689: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Munafiq ki teen (3) nishaniyan hein, jab baat kahi to jhoot kahi, imanat di gai to usne is mein khayanat ki aur wada kiya to usy pura nhi kya. [2682: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Agr kisi ko kasam khani hi ha to Allah hi ki Qasam khaye, warna khamosh rhy. [2679: Volume 4; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Jo shaks kasam islye khata ha ta ke iske zarya kisi ka maal (najaiz tor per) hazam ker jye to wo Allah se is haal mein milyga ke Allah is per ghazabnak Hoga. [2673: Volume 4; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Teen (3) tarhan ke log aisy hein ke Allah inse baat bhi na kryga na inki taraf nazar utha ker Daikhyga aur na inhein paak Kryga bal-ke inhein sakht dard-naak azab hoga. Aik (1) wo shaks jo safar mein zarurat se zyada pani lye ja rha ha aur kisi musafir ko (jisy pani ki zarurat ho) na de. Dosra (2) wo shaks jo kisi (Khalifat-ul-Muslemeen) se bait kry aur sirf dunya ke lye bai't kry ke jis se usne bai't ki agr wo is ka maqsad pura ker de to ye bhi wafa-dari se kaam le, werna iske sath bai't-o-ehad ke khilaf kry, teesra (3) wo shaks jo kisi se asar (ke waqat) ke baad kisi saman ka bhao kry aur Allah ki qasam kha le ke isy is ka itna itna ropayya mil rha tha aur khareedar is saman ko (uski qasam ki wajah se) le le, halanke wo jhoota ha. [2672: Volume 4; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Jis shaks ne koi aisi qasam khai, jis mein wo jhoota tha, kisi musalman ka maal cheenny ke lye, to wo Allah se is tarhan milyga ke Allah is per ghazabnak hoga. [2666: Volume 4; Sahee Bukhari Shareef] [Ravi: Hazrat Abdullah]

Hazrat Muhammad Sallalah Ho Alaihe Wa Sallam ne farmaya! Her baaligh per Jumma ke din ghusal wajib he. [2665: Volume 4; Sahee Bukhari Shareef] [Ravi: Hazrat Saeed Khudri]

Hazrat Muhammad Sallalah Ho Alaihe Wa Sallam ne suna ke aik (1) shaks dosry ki ta'reef ker rha tha aur mubalgha se kaam le rha tha to Rasool Allah Sallalah Ho Alaihe Wa Sallam ne farmaya ke tum logun ne us shaks ko halak ker dya, uski pusht torr di. [2663: Volume 4; Sahee Bukhari Shareef] [Ravi: Hazrat Abu Musa Ash'ra]

Aik (1) shaks ne Hazrat Muhammad Sallalah Ho Alaihe Wa Sallam ke samny dosry shaks ki ta'reef ki, to Aap Sallalah Ho Alaihe Wa Sallam ne farmaya! Afsoos! Tu ne apny sathi ki garden kaat dali, tu ne apny sathi ki gardan kaat dali, tu ne apny sathi ki gardan kaat dali, kai martaba (Aap Sallalah Ho Alaihe Wa Sallam ne isi tarhan farmaya) phir farmaya ke agr kisi ke lye apny kisi bhai ki ta'reef kerni zaruri ho jye to yun khy ke mein flan shaks ko aisa samjhta hun, agy Allah khoob Janta Ha, mein Allah ke samny kisi ko be-aib nhi keh sakta, mein samjhta hun wo aisa aisa ha agr uska haal janta ho. [2662: Volume 4; Sahee Bukhari Shareef] [Ravi: Hazrat Abd-ul-Rehman bin Abi Bakrah]