Topics

[Guest]

Welcome, Guest.
Please login or register.

Login:
Password:
Login for:	1 Hour 1 Day 1 Week 1 Month Forever

Forgot your password?

[Re: WHAT ARE YOU THINKING NOW]

Re: WHAT ARE YOU THINKING NOW by TechoPedia May 14, 2020, 04:08:07 AM

Re: iOS Jailbreaking by michaeljohnny January 20, 2020, 08:25:17 PM

Review about Oppo phones by michaeljohnny January 20, 2020, 08:23:37 PM

Re: Famous by michaeljohnny January 20, 2020, 08:22:30 PM

Re: How to Hard Reset Samsung Galaxy_A50 | Pattern Unlock, Break Password by Mobile Fun November 01, 2019, 03:28:06 PM

[Members]

Members
Total Members: 1138
Latest: KeithLadu
New This Month: 0
New This Week: 0
New Today: 0 Stats
Total Posts: 4791
Total Topics: 1594
Most Online Today: 207
Most Online Ever: 218
(November 12, 2012, 06:28:40 PM) Users Online
Members: 0
Guests: 168
Total: 168

Hazrat Muhammad Sallalah Ho Alaihe Wa Sallam ko (Khaibar se wapis hoty huy) Ohad Paharr dikhai diya to Aap Sallalah Ho Alaihe Wa Sallam ne farmaya! Ye Paharr Ham se mohabbat rakhta ha aur Ham Is se mohabbat rakhty hein. Aye Allah! Hazrat Ibrahim ne Makkah ko hurmat wala shehar qarar diya tha aur Mein in do (2) pathreely maidanun ke darmayan ilaqy (Madina Manawarah) ko hurmat wala shehar qarar Deta hun. [4084: Volume 5; Sahee Bukhari Shareef] [Ravi: Anas bin Malik]

Hazrat Muhammad Sallalah Ho Alaihe Wa Sallam ne farmaya! Hazrat Fatima Mery jism ka tukra ha, is lye jis ne isy na-haq naraz kiya, us ne Mujhy naraz kiya. [3714: Volume 5; Sahee Bukhari Shareef] [Ravi: Hazrat Masoor bin Mukhramah]

Hazrat Muhammad Sallalah Ho Alaihe Wa Sallam ne Hazrat Ali se farmaya ke kya tum is per khush ni ho ke tum Mery liye aisy ho jaisy Hazrat Musa ke lye Hazrat Haroon thy. [3706: Volume 5; Sahee Bukhari Shareef] [Ravi: Hazrat Ibrahim bin Saad]

Hazrat Muhammad Sallalah Ho Alaihe Wa Sallam ne farmaya! Mein ne khuwab mein dakha ke kuch log Mery samny paish kiye gye jo qameez pehny huy thy, un mein se baaz ki qameez sirf seeny tak thi aur baaz ki us se bhi choti aur Mery samny Hazrat Umer paish kiye gye to wo itni bari qameez pehny huy thy ke chalty huy ghaseet'ti thi. Sahaba ne arz kiya Ya Rasool Allah! Aap Sallalah Ho Alaihe Wa Sallam ne uski ta'beer kiya li? Aap Sallalah Ho Alaihe Wa Sallam ne farmaya ke deen murad ha. [3691: Volume 5; Sahee Bukhari Shareef] [Ravi: Hazrat Abbu Saeed Khadri]

Hazrat Muhammad Sallalah Ho Alaihe Wa Sallam ne farmaya! Mein ne khuwab mein doodh piya, itna ke Mein doodh ki tazgi daikhny lga jo Mery Nakhun ya Nakhunun per beh rhi ha. Phir Mein ne piyala Hazrat Umer ko de diya. Sahaba ne poocha Ya Rasool Allah! Is khuwab ki ta'beer kiya ha? Aap Sallalah Ho Alaihe Wa Sallam ne farmaya ke iski ta'beer Ilm ha. [3681: Volume 5; Sahee Bukhari Shareef] [Ravi: Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Mein soya hua tha ke Mein ne khuwab mein Jannat dakhi, Mein ne dakha ke aik (1) aorat aik (1) mehal ke kinary wazu ker rhi ha. Mein ne poocha ye mehal kis ka ha? To Farishton ne jawab diya ke Hazrat Umer ka. Phir Mujy unki ghairat aur hamiyat yaad aai aur Mein wahein se lot aaya. Is per Hazrat Umer roye aur arz kiya Ya Rasool Allah! Kiya mein Aap Sallahlah Ho Alaihe Wa Sallam per bhi ghairat karunga. [3680: Volume 5; Sahee Bukhari Shareef] [Ravi: Abbu Hurairah]

Hazrat Muhammad Sallalah Ho Alaihe Wa Sallam Hazrat Abbubakar, Hazrat Umer aur Hazrat Usman ko sath le ker Ohad pahaar per charhy to Ohad kaanp utha. Hazrat Muhammad Sallalah Ho Alaihe Wa Sallam ne farmaya! Ohad! Qarar pakar ker ke tujh per aik (1) Nabi, aik (1) Siddeeq aur do (2) Shaheed hein. [3675: Volume 5; Sahee Bukhari Shareef] [Ravi: Anas bin Maalik]

Hazrat Muhammad Sallalah Ho Alaihe Wa Sallam ne farmaya! Mery Ashaab ko bura bhala mat kaho. Ager koi shaks ohad pahaar ke baraber bhi sona (Allah ki rah mein) kharch ker daly to unke aik (1) mad ghalla ke baraber bhi ni ho skta aur na un ke aadhy mad ke baraber. [3673: Volume 5; Sahee Bukhari Shareef] [Ravi: Abbu Saeed Khadri]

Hazrat Muhammad Sallalah Ho Alaihe Wa Sallam Hazrat Abbubakar, Hazrat Umer aur Hazrat Usman ko sath le ker Ohad pahaar per charhy to Ohad kaanp utha. Hazrat Muhammad Sallalah Ho Alaihe Wa Sallam ne farmaya! Ohad! Qarar pakar ker ke tujh per aik (1) Nabi, aik (1) Siddeeq aur do (2) Shaheed hein. [3675: Volume 5; Sahee Bukhari Shareef] [Ravi: Anas bin Maalik]

Hazrat Muhammad Sallalah Ho Alaihe Wa Sallam ne farmaya! Mery Ashaab ko bura bhala mat kaho. Ager koi shaks ohad pahaar ke baraber bhi sona (Allah ki rah mein) kharch ker daly to unke aik (1) mad ghalla ke baraber bhi ni ho skta aur na un ke aadhy mad ke baraber. [3673: Volume 5; Sahee Bukhari Shareef] [Ravi: Abbu Saeed Khadri]

Hazrat Muhammad Sallalah Ho Alaihe Wa Sallam ne farmaya! Jis ne Allah ke rasty mein kisi cheez ka aik (1) jora kharch kiya (maslan do (2) rupy, do (2) kapry, do (2) ghory Allah ke rasty mein diye) to usy Jannat ke darwazun se bulaya jyega ke Aye Allah ke bandy! Idhar aa, ye darwazah behtar ha pas jo shaks Nimazi hoga usy Nimaz ke darwazy se bulaya jyega, jo shaks mujahid hoga usy Jihad ke darwazy se bulaya jyega aur jo shaks roza-daar hoga usy siyam aur riyaan (seraabi) ke darwazy se bulaya jyega. Hazrat Abu Bakar ne arz kiya jis shaks ko in tamam hi darwazun se bulaya jyega to usy kisi kism ka khof baqi nhi rhy ga aur poocha kya koi shaks aisa bhi hoga jisy in tamam darwazun se bulaya jye Ya Rasool Allah! Aap Sallalah Ho Alaihe Wa Sallam ne farmaya! Haan aur Mujhy umeed ha ke Tum (Hazrat Abu Bakar) bhi inhein mein se hogy Aye Abu Bakkar. [3666: Volume 5; Sahee Bukhari Shareef] [Ravi: Hazrat Abu Hurairah]

Hazrat Muhammad Sallalah Ho Alaihe Wa Sallam ne farmaya! Ager Apni ummat ke kisi fard ko apna jani dost bana skta to Hazrat Abu bakkar ko banata lakin wo Mery deeni bhai aur Mery dost hein. [3656: Volume 5; Sahee Bukhari Shareef] [Ravi: Abdullah bin Abbas]

Hazrat Muhammad Sallalah Ho Alaihe Wa Sallam ke zamany hi mein jab hamein Sahaba ke darmayan intikhab ke lye kaha jata to sab mein afzal aur behtar ham Hazrat Abu Bakkar ko qarar dety, phir Hazrat Umer bin Khitab ko phir Usman bin Afan ko. [3655: Volume 5; Sahee Bukhari Shareef] [Ravi: Abdullah bin Umer]

Hazrat Muhammad Sallalah Ho Alaihe Wa Sallam ne farmaya! Behtareen zamana Mera zamana ha, phir un logun ka jo is zamany ke baad ayen gy phir un logun ka jo uske baad ayengy. Is ke baad aik (1) aisi qoam paida hogi ke gawahi deny se pehly qasam unki zuban per aa jaya kery gi aur qasam khany se pehly gawahi unki zuban per aa jaya kerygi. [3651: Volume 5; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam ne farmaya! Tumhary baad aik (1) aisi qoam paida hogi jo baghair kahy gawahi deny ke lye tiyar ho jaya krygi aur unmein khayanat aur chori itni aam ho jyegi ke in per kisi qisam ka bharosa baqi nhi rhyga, aur nazrain manein gy lakin inhein pura nhi kareingy (haram kha kha ker) in per motapa aam ho jyega. [3650: Volume 5; Sahee Bukhari Shareef] [Ravi: Hazrat Imran bin Hisseen]

Hazrat Muhammad Sallalah Ho Alaihe Wa Sallam ne farmaya! Ghory (Horse) ki peshani ke sath khair-o-bhalai Qiyamat tak ke lye bandh di gai ha. [3644: Volume 5; Sahee Bukhari Shareef] [Ravi: Hazrat Abdullah bin Umar]

Hazrat Muhammad Sallalah Ho Alaihe Wa Sallam ne farmaya! Meri Ummat mein hamesha aik (1) garoh aisa majood rhy ga jo Allah ki shariyat per qaim rhy ga, unhein zaleel kerny ki koshish kerny waly aur isi tarhan unki mukhalfat kerny waly unhein koi nuqsan na pohancha sakeingy yahan tak ke Qiyamat aa jyegi aur wo isi halat per rahein gy. [3641: Volume 5; Sahee Bukhari Shareef] [Ravi: Hazrat Mu'awiah bin Abi Sufyan]

Hazrat Muhammad Sallalah Ho Alaihe Wa Sallam ke zamany mein chand ke phat ker do (2) tukry ho gye thy aur Aap Sallalah Ho Alaihe Wa Sallam ne farmaya tha ke logo is per gawah rehna. [3636: Volume 5; Sahee Bukhari Shareef] [Ravi: Hazrat Abdullah bin Masood]

Hazrat Muhammad Sallalah Ho Alaihe Wa Sallam Hazrat Hasan ko aik (1) din sath le ker bahir tashreef laye aur minmber per unko le ker char gye, phir farmaya, Mera ye beta Syed ha aur umeed ha ke Allah Is ke zarye Musalmanun ki do (2) jamatun mein milap kra dega. [3629: Volume 5; Sahee Bukhari Shareef] [Ravi: Hazrat Abu Bakrah]
Hazrat Muhammad Sallalah Ho Alaihe Wa Sallam ki ye peshan-goi puri hui; Hazrat Hassan ne wo kaam kiya ke hazarun musalmanu ki jaan bach gai. Hazrat Ameer Ma'wiah se larna pasand na kiya; Khilafat un hi ko de di; Halanke sattar hazar (70,000) aadmiyun ne aapke sath jaan deny per bait ki thi.

Hazrat Muhammad Sallalah Ho Alaihe Wa Sallam jab bhi kisi mareez ki ayadat ke lye tashreef le jaty to farmaty koi harj nhi, In Sha Allah ye bukhar gunahun ko dho dega. [3616: Volume 5; Sahee Bukhari Shareef] [Ravi: Hazrat Abdullah bin Abas]