Hazrat Muhammad Sallalah Ho Alaihe Wa Sallam ne farmaya! Her musalman per sadqa kerna zaruri ha. Sahaba ne arz kiya agr koi cheez kisi ko (sadqa ke lye) moyassar na ho. Aap Sallalah Ho Alaihe Wa Sallam ne farmaya! Phir apny hath se kaam kery aur us se khud ko bhi faida pohanchye aur sadqa bhi kry. Sahaba ne arz kya agr is mein iski taqat na ho ya kaha ke na ker sky. Aap Sallalah Ho Alaihe Wa Sallam ne farmaya! Phir kisi hajat mand pareshan haal ki madad kry. Sahaba ne arz kiya agr wo ye bhi na ker sky. Aap Sallalah Ho Alaihe Wa Sallam ne farmaya! Phir bhalai ki taraf logun ko raghbat dilaye ya "Amar bil Ma'roof" ka krna arz kiya aur agr ye bhi na ker sky. Aap Sallalah Ho Alaihe Wa Sallam ne farmaya ke phir burai se ruka rhy ke ye bhi iske lye sadqa ha. [6022: Jild 7; Sahee Bukhari Shareef] [Ravi: Hazrat Abu Musa Ash'ara]